Íslenska kvennalandsliðið tapaði illa fyrir Þjóðverjum í gær, 4-0. Úrslitin hafa fengið marga til að spyrja sig um stöðuna á liðinu.

Liðin áttust við í Þjóðadeildinni og fór fram í Þýskalandi. Klara Buhl gerði tvö marka Þjóðverja og þær Giulia Gwinn og Lea Schuller skoruðu eitt hvor.

Þýska liðið hefur valdið vonbrigðum undanfarið en kom hressilega til baka gegn Íslandi í gær.

Hér að neðan má sjá brot af umræðunni sem skapaðist á Twitter (X) hér heima um leikinn í gær.

Þjóðverjar komust á beinu brautina. Við erum greinilega á annarri vegferð sem þarf eitthvað að skoða. Þurfum að tengja sendingar og margt fleira ⚽️
Alltaf áfram Ísland ⚽️

— Helena Ólafsdóttir (@helenaolafs) September 26, 2023

Þessi tölfræði hræðir mig. Hef. Iklar áhyggjur af þróun landsliðsins.

27 skot gegn 3
13 horn gegn 1
70-30 í possession
Fórum 38 sinnum í sókn
Tengdum aldrei meira en 4-5 sendingar

Eigum enga almennilega sókn í leiknum – hvert er uppleggið?
Vonbrigðar frammistaða #Fotboltinet pic.twitter.com/NM1trcASK4

— Orri Rafn Sigurdarson (@OrriRafn) September 26, 2023

Átakanlega lélegt kvennalandslið. Ekkert sjálfstraust. Ekkert leikplan bara ,,vonum það besta “ í bland við ,,þetta reddast“. #fotbolti

— Gudmundur Brynjolfss (@GBRYNJOLFSSON) September 26, 2023

Mjöööööög langt síðan við höfum átt svona slakt kvennalandslið. Við getum akkúrat ekki neitt.

— Kristján Óli Sigurðsson (@kristjanoli) September 26, 2023

Hvenær ætlaru að reka Steina minn? Þú dansar eins og köttur í kringum heitan graut Orri, ekki vera feiminn, segðu lýðnum hvað þér raunverulega finnst..

— Hilmar Jökull (@HilmarJokull) September 26, 2023

Það hefur verið talað um allskonar fíla í herbergjum síðasta sólahring en þarf ekki að ræða þann allra stærsta og mesta í herbergi A-landsliðs kvenna?
Þetta er einfaldlega langt frá því að vera boðlegt með alla þessa ferilskrá af leikmönnum.

— Rikki G (@RikkiGje) September 26, 2023