Thomas Frank, stjóri Brentford, hefur staðfest það að David Raya sé á leið til Arsenal í sumarglugganum.

Raya var einn besti markmaður úrvalsdeildarinnar síðasta vetur en er nú að skrifa undir á Emirates.

Óvíst er hvort Raya verði markmaður númer eitt í vetur en Aaron Ramsdale er í dag aðalmarkvörður Arsenal.

Frank hefur þó tröllatrú á Mark Flekken sem kom til félagsins frá Freiburg í sumar.

,,Ég býst við að samkomulag náist við Arsenal. Hann er ekki með okkur eins og er og spilar ekki í dag,“ sagði Frank.

,,Mark Flekken var einn besti markmaðurinn í Bundesligunni á síðustu leiktíð og ég er hrifinn af hans persónuleika, hann er leiðtogi.“