Ásmundur Einar Daðason, mennta- og barnamálaráðherra, segir í tilkynningu að þær „sorglegu fjölskudeilur“ sem hafi verið í opinberri umræðu undanfarna daga séu sér með öllu óviðkomandi og hafi svo verið um langt árabil. Segir hann þær tilkomnar vegna erfðadeilu í systkinahópi föður hans, Daða Einarssonar, og að hann hafi ákveðið að taka eindregna af­stöðu með föður sín­um í hinum hatrömmu erjum. Þrjár systur sem tengjast Ásmundi Einari fjölskylduböndum birtu í vikunni fyrsta hlaðvarpsþátt af fjórum sem ber yfirskriftina Lömbin þagna ekki en þar er Ásmundur Einar borinn þungum sökum ásamt föður sínum Daða.

Sjá einnig: Hatrammar ættardeilur Ásmundar afhjúpaðar – Sólundaður föðurarfur, myrkraverk, ofsóknir og ráðherra staðinn að innbrotum sem löggan lét slæda

„Engu að síður er langt síðan mér var það ljóst að nær­vera mín í þess­um ágrein­ingi gerði hvorki mér, fjöl­skyldu minni, né öðrum nokk­urt gagn. Þess vegna steig ég út úr þess­um átök­um í eitt skipti fyr­ir öll fyr­ir mörg­um árum síðan og mun ekki tjá mig um málið á öðrum vett­vangi en þeim sem þar til bær­ir op­in­ber­ir aðilar kunna mögu­lega að leita eft­ir. Ég á mér fyrst og fremst þá ein­lægu von að þess­um fjöl­skyldu­harm­leik ljúki sem allra fyrst,“ seg­ir Ásmund­ur.

Sjá einnig:  Systurnar sem ætla ekki að þegja lengur birta afsal jarðarinnar í hringiðu hatrömmu ættardeilunnar

Í til­kynn­ing­unni seg­ist hann ekki ætla að glæða þá elda sem nú sé reynt að kveikja með út­skýr­ing­um né held­ur með því að bera af sér end­ur­tekn­ar rang­ar sakagift­ir. Seg­ist hann vilja vekja at­hygli á þeirri staðreynd að hann hafi aldrei verið ákærður fyr­ir ólög­mætt at­hæfi vegna þess­ara deilna né yf­ir­heyrður vegna máls­at­vika.

Ein af systrunum, Ása Skúladóttir, skoraði meðal annars á Ásmund Einar að mæta sér í sjónvarpssal varðandi málið en yfirlýsingin bendir til þess að af því verði ekki.