Phil Jones, leikmaður Manchester United, hefur staðfest það að hann sé á förum frá félaginu eftir 12 ár.

Eins ótrúlegt og það ku hljóma er Jones aðeins 31 árs gamall en hefur lítið sem ekkert spilað undanfarin ár.

Jones kom til Man Utd frá Blackburn fyrir 12 árum og mun nú loksins halda annað í sumarglugganum.

Jones mun ekki vera hluti af liði Man Utd í dag í úrslitaleik bikarsins gegn Manchester City en verður í stúkunni.

Varnarmaðurinn staðfesti það á samskiptamiðlum en hann ætlar að hvetja sitt lið áfram ásamt stuðningsmönnum liðsins.

,,Ég veit hversu sérstakir stuðningsmenn United eru en þessi vika hefur sýnt mér nákvæmlega hversu mikið,“ sagði Jones.

,,Ég vona að þið njótið úrslitaleiksins og ég verð í stúkunni að styðja strákana rétt eins og þið.“