Pep Guardiola stjóri Manchester City gekk upp að Leroy Sane leikmanni FC Bayern í gær og huggaði hann, unnu þeir saman hjá City.
Sane var í miklum metum hjá Guardiola en þýski kantmaðurinn vildi halda heim á leið.
Það er ljóst hvaða lið taka þátt í undanúrslitum Meistaradeildar Evrópu eftir að 8-liða úrslitum lauk í gær.
Bayern Munchen tók á móti Manchester City og þurfti að vinna upp þriggja marka forskot. Erling Braut Haaland fékk tækifæri til að gera út um einvígið á 38. mínútu en þá skaut hann yfir úr vítaspyrnu. Hún hafði verið dæmd þar sem Dayot Upamecano fékk boltann í olnbogann innan teigs.
Markalaust var í hálfleik en það var ljóst að sigur City var aldrei í nokkurri hættu.
Haaland skoraði á 57. mínútu með flottri afgreiðslu.
Þegar tæpar tíu mínútur lifðu leiks fékk Bayern vítaspyrnu. Joshua Kimmich fór á punktinn og skoraði af öryggi. Þetta var hins vegar of lítið of seint.
