Enski fjölmiðilinn, The Athletic fjallar í mjög löngu máli um mál Gylfa Þórs Sigurðssonar í grein sem kom út á dögunum. Greinin er skrifuð skömmu eftir að Gylfi Þór var laus allra mála.

Það eru komin vika síðan að Gylfi Þór fékk þau tíðindi að rannsókn lögreglu á hendur honum væri úr sögunni. Málið var fellt niður eftir tæp tvö ár í rannsókn.

Athletic fjallar mjög ítarlega um málið en nokkrir hlutir hafa ekki komið fram áður. Talið er að Athletic sé einn áreiðanlegasti miðilinn í Bretlandi.

„Fartölvan var tekinn af honum. Því er einnig haldið fram að teipað hafi verið fyrir þakglugga í nýju húsi hans til að koma í veg fyrir þá hættu að drónar fljúgi þar yfir,“ segir í grein Athletic en Gylfi er ekki nafngreindur en lög í Bretlandi koma í veg fyrir það.

„Eftir um tveggja ára rannsókn er ljóst að lögreglan vildi halda áfram með málið. Það bara verða að næg sönnunargögn til að fara með málið í dómstól. Það var ekki í þessu máli,“ segir einnig í umfjöllun Athletic.

Segir í grein Athletic að Gylfi hafi fyrst um sinn flutt úr húsinu sem hann bjó í og annað hús. Hann hafi svo tekið ákvörðun að flytja í úthverfi London.

„Hann reyndi að takast á við stöðuna með því að láta lítið fyrir sér fara í stórborg,“ segir einnig.

Segir í umfjöllun Athletic að Gylfi hafi þó um tíma ferðast um borgina.

„Hann lét skeggið vaxa, á tímapunkti notaði hann þó almenningssamgöngur til að komast um London. Hann var einnig duglegur í ræktinni og golfvöllurinn var annar staður sem hann eyddi tíma á,“ segir í Athletic.

Athletic segist svo hafa heimildir fyrir því líklega muni Gylfi eða fólk honum tjá sig með yfirlýsingu innan tíðar.

„Hann gæti tjáð sig um handtökuna til að reyna að koma sínu á framfæri. Það er talið að fólk nálægt honum vilji senda út yfirlýsingu nú þegar málið er úr sögunni.“