Það eru einhverjir sem muna eftir nafninu Charlie Morgan en hann varð frægur á einu kv0ldi árið 2013.

Morgan var 17 ára gamall á þessum tíma en hann komst í fréttirnar eftir að hafa starfað sem boltastrákur fyrir Swansea.

Swansea lék við Chelsea í enska deildabikarnum er stórstjarnan Eden Hazard, hjá Chelsea, fékk rautt spjald.

Hazard fékk rautt spjald fyrir að sparka í boltastrákinn, Morgan, sem reyndi að tefja leikinn með því að leggjast á boltann.

Morgan hefur síðan þá gert frábæra hluti í sínu lífi en hann er virði 40 milljónir punda í dag.

Morgan ákvað að stofna fyrirtækið Au Vodka árið 2016 með vini sínum Jackson Quinn og í desember 2019 seldu þeir til að mynda tíu þúsund flöskur á einum mánuði.

Margar stórstjörnur hafa auglýst fyrirtækið og má nefna fyrrum knattspyrnumanninn Ronaldinho og fyrrum boxarann Floyd Mayweather.

Au Vodka framleiðir 35 þúsund flöskur á hverjum einasta degi og hefur fyrirtækið náð hæstu hæðum undanfarin tvö ár.