En hefur typpalengdin í listheiminum breyst eitthvað á síðustu öldum? Þessar spurningu svöruðu vísindamenn við Istanbul Technical háskólann í Tyrklandi í nýlegri rannsókn sem hefur verið birt í vísindaritinu BJU International.
Í rannsókninni kemur fram að á síðustu 700 árum hafi typpin á málverkum lengst jafnt og þétt og að sérstaklega mikillar stækkunar hafi orðið vart eftir árþúsundaskiptin.
Forskning.no skýrir frá þessu og segir að vísindamennirnir hafi rannsakað 232 málverk af nöktum karlmönnum. Voru málverkin máluð á 700 ára tímabili. Þau elstu eru frá því 1400.
Sum af málverkunum voru síðan ekki tekin með í niðurstöðum rannsóknarinnar því ljóst var að fyrirsæturnar á þeim voru með standpínu þegar þeir sátu fyrir.
Á þeim myndum, sem eftir voru, mældu vísindamennirnir stærð eyrna, nefs og typpis og notuðu stærðarhlutföllin til að leggja mat á typpastærðina.
Vísindamennirnir segja í rannsókninni að málverkin sýni að typpin hafi lengst á síðustu sjö öldum og þá sérstaklega á þessari öld.
Þeir telja þó að ekki sé um það að ræða að typpi hafi lengst í hinu lifanda lífi, heldur sé frekar um að ræða að hugmyndir fólks um mannslíkamann, þar á meðal um typpastærð, hafi breyst.
