Lögreglan á Tenerife hefur handtekið tvo starfsmenn sem vinna við töskuburð á flugvellinum á Tenerife, fyrir að stela úr töskum farþega. Fréttablaðið greinir frá þessu og hefur eftir miðlinum Canarian Weekly.

Starfs­menn öryggis­teymis flug­vallarins komu starfs­mönnunum, og þjófunum meintu, að óvörum þegar öryggis­starfs­mennirnir sinntu hefð­bundnum öryggis­störfum. Málið er í rannsókn lögreglu.

Fjölmargir Íslendingar hafa orðið fyrir barðinu á stuldi úr töskum ferðatöskum sínum á Tenerife undanfarin misseri. Ekki er vitað til þess að áður hafi starfsmenn þar verið að verki. Í viðtali við Morgunblaðið síðastliðið haust hvatti Sigvaldi Kaldalóns, framkvæmdastjóri ferðaskrifstofunnar Tenerife ferðir, ferðamenn til að geyma ekki verðmæti í ferðatöskum sínum.

Á Tenerife á stuldur úr ferðatöskum sér aðallega stað á sjálfu farangursrými flugvallarins þar sem engar myndavélar eru, segir Fréttablaðið.