Allir eru velkomnir á HM í knattspyrnu í Katar. Þetta hefur Alþjóða knattspyrnusambandið FIFA sagt frá því að ákveðið var að halda mótið í Katar. Hefur þar engu skipt að samkvæmt lögum í Katar er samkynhneigð bönnuð.

Í gær var Khalid Salman, sérstakur HM-sendiherra Katar, spurður út í þetta þetta þegar hann ræddi við þýsku sjónvarpsstöðina ZDF og er óhætt að segja að svar hans sé ekki í samræmi við þessar yfirlýsingar FIFA. Hefur upptaka af þessum ummælum hans farið víða í netheimum síðasta sólarhringinn.

„Fólk neyðist til að sætta sig við reglurnar hér í landinu. Samkynhneigð er haram (bönnuð, innsk. blaðamanns). Veist þú hvað haram þýðir?“ sagði Salman sem er fyrrum landsliðsmaður Katar.

Síðan hélt hann áfram og sagði: „Og af hverju er þetta haram? Af því að þetta er andlegur skaði.“

Þegar hér var komið við sögu lauk viðtalinu því embættismaður blandaði sér í málið og dró Salman á brott.

Hér fyrir neðan er hægt að sjá upptöku af viðtalinu.

The controversial comments from World Cup Ambassador Khalid Salman came in an interview for German television, in which he called gay people ‘haram’ and said they have ‘damage in the mind’.

Read more: https://t.co/SBbZ5tkTeU pic.twitter.com/JkWbNb2dEU

— SBS News (@SBSNews) November 8, 2022