Hákon Arnar Haraldsson, leikmaður FC Kaupmannahafnar í Danmörku, ræddi ævintýri liðsins í Meistaradeild Evrópu í viðtali við Fréttablaðið á dögunum.

FCK komst í riðlakeppni Meistaradeildarinnar fyrir þetta tímabil og dróst með Dortmund, Manchester City og Sevilla. Ein umferð er eftir og er danska liðið úr leik.

„Þetta var eiginlega bara klikkað. Maður hugsaði alltaf um það þegar maður var lítill að spila gegn þeim bestu. Þetta hefur verið draumur og frábær reynsla að spila þarna, jafnvel þó að við höfum ekki komist áfram,“ segir Hákon um Meistaradeildarævintýrið.

Hákon hefur mætt mörgum góðum leikmönnum á stærsta sviðinu.

„Sá sem kom mér mest á óvart var Rodri. Það var fáránlegt að horfa á hann. Hann gerði ekki mistök. Maður reyndi að pressa á hann en komst ekki nálægt honum.“

Hér má nálgast ítarlegt viðtal við Hákon.