U17 karla mætir Lúxemborg á föstudag í öðrum leik sínum í fyrstu umferð undankeppni EM 2023.
Leikurinn hefst kl. 12:00 og verður hann í beinni útsendingu á vef knattspyrnusambands Norður Makedóníu.
Daníel Tristan Guðjohnsen skoraði tvö mörk í síðasta leik þegar Ísland vann flottan 3-0 sigur gegn Norður Makedóníu í fyrsta leik sínum í riðlinum á meðan Lúxemborg tapaði 0-4 gegn Frakklandi.
Tvö efstu liðin í riðlinum fara áfram í milliriðla sem verða leiknir í vor.
