Maður hefur verið ákærður fyrir nauðgun og líkamsárás en aðalmeðferð verður í málinu við Héraðsdóm Reykjavíkur þann 1. nóvember næstkomandi.
Atburðurinn átti sér stað þann 29. júní árið 2019 og hefur málið því verið afar lengi í ferli í kerfinu. DV hefur ákæru héraðssaksóknara í málinu undir höndum en er lýst hrottafullri framgöngu mannsins.
Árásin átti sér stað á þáverandi heimili brotaþola, sem er kona. Segir að maðurinn hafi skipað henni að girða niður um sig, síðan segir: „…glennti fætur hennar í sundur, þuklaði á kynfærum hennar og stakk fingrum í leggöng hennar og síðar á þáverandi heimili A að […], í Reykjavík, slegið A margsinnis í andlit og líkama, tekið hana hálstaki, haldið fyrir munn hennar og nef og hrint henni í gólfið allt með þeim afleiðingum að hún hlaut mar á efri vör, línulaga lóðréttar húðblæðingar framan á hálsi, mar á vinstra herðablaði, eymsli á hægri efri upphandlegg, smá mar á vinstri efri upphandlegg og eymsli á hægri fót.“
Héraðssaksóknari krefst þess að maðurinn verði dæmdur til refsingar og greiðslu alls sakarkostnaðar. Konan gerir einkaréttarkröfu í málinu og fer fram á 3,5 milljónir króna í miskabætur.
