Antonio Conte er þessa dagana orðaður við endurkomu til Ítalíu en hann er stjóri Tottenham á Englandi.
Conte náði frábærum árangri með Juventus á sínum tíma áður en hann tók við ítalska landsliðinu, Chelsea, Inter Milan og svo Tottenham.
Massimiliano Allegri er stjóri Juventus í dag og er talinn mjög valtur í sessi eftir afar slæma byrjun á tímabilinu.
Ítalski miðillinn CMW segir að Conte sé að skoða sína stöðu og að hann myndi vilja taka leikmann Tottenham með sér.
Conte myndi vilja fá Heung-Min Son til Juventus ef hann á að snúa aftur en Son var frábær á síðustu leiktíð undir stjórn Ítalans.
Son yrði efstur á óskalista Conte ef hann fer aftur til Túrin en ljóst er að sóknarmaðurinn myndi kosta dágóða upphæð.