Stuðningsmenn Bayern Munchen voru með borða á 2-0 sigri liðsins gegn Barcelona í riðlakeppni Meistaradeildar Evrópu í gær, þar sem þeir mótmæltu áhrifunum sem andlát Elísabetar Englandsdrottningar hefur haft á knattspyrnuheiminn.
Drottningin lést á fimmtudag og var öllum fótbolta í Bretlandi frestað um síðustu helgi. Þá hefur andlátið haft áhrif á Evrópuleiki breskra liða einnig.
„Frestanir á síðustu stundu og bönn vegna dauða í konungsfjölskyldunni!? Virðið áhorfendur,“ stóð á borðanum.
Öllum leikjum í ensku úrvaldeildinni var til að mynda frestað um síðustu helgi, af virðingu við drottninguna.
Það hefur þó verið staðfest að keppni í deildinni muni hefjast aftur um næstu helgi. Þó hefur þremur leikjum í umferðinni verið frestað.
Bayern Munich fans have unveiled a banner protesting against the impact of Queen Elizabeth II's death on football fixtures.
(via @markogden_) pic.twitter.com/rwN0TdRYWA
— ESPN FC (@ESPNFC) September 13, 2022