Manchester United vann sterkan sigur í ensku úrvalsdeildinni í kvöld er liðið mætti Liverpool á Old Trafford.
Um var að ræða fyrsta sigur Man Utd í deildinni í sumar undir stjórn Erik ten Hag.
Jadon Sancho og Marcus Rashford gerðu mörk Man Utd í 2-1 sigri en Mohamed Salah komst á blað fyrir Liverpool.
Ten Hag varð í kvöld fyrsti stjóri í sögu Man Utd til að vinna sinn fyrsta keppnisleik með liðinu gegn Liverpool.
Man Utd hefur ekki gengið vel gegn Liverpool undanfarin ár og er sigurinn í kvöld mjög þýðingarmikill.
Ten Hag ræddi við Sky Sports eftir leikinn í kvöld.
,,Við gáfum svo mikla orku í þetta. Við þurfum leikmenn í hópinn sem eru með þann eiginleika. Það eru margir leikir framundan og við þurfum að hvíla,“ sagði Ten Hag.
,,Auðvitað er ég ánægður. Ég þekki ríginn við Liverpool. Taktíklega séð þá getiði séð hvar okkar vopn eru á vellinuim. Við erum með hraða þegar Fernandes og Eriksen eru með boltann. Scott McTominay var frábær í þessum leik.“
,,Við þurfum að vera lið með góðan anda og það er það sem við sáum í dag. Ég sagði þeim að láta verkin tala, frekar en orðin.“
