Varnarmaður Inter er efstur á óskalista Chelsea í dag að sögn blaðamannsins virta, Fabrizio Romano.

Chelsea hefur leitað og leitað að varnarmönnum í allt sumar og er einnig að reyna við Wesley Fofana hjá Leicester.

Romano segir að bakvörðurinn Denzel Dumfries sé efstur á óskalista Chelsea en hann spilar með Inter og hefur staðið sig prýðilega á Ítalíu.

Dumfried getur spilað í vængbakverði sem og í þriggja manna varnarlínu sem hentar enska stórliðinu vel.

Inter vill fá í kringum 35 til 40 milljónir evra fyrir Dumfries sem er hollenskur landsliðsmaður.

,,Já hann er einn af þeim leikmönnum sem er á óskalistanum. Hann hefur alltaf verið efstur á listanum, Dumfries, sem stendur sig frábærlega með Inter,“ sagði Romano.

,,Stjórinn vill halda leikmanninum sem hluta af þessu verkefni og það sama má segja um Milan Skriniar. Ég held að viðræðurnar verði ekki auðveldar.“