Víkingur Borgar 4,3 milljónir króna fyrir Jóhannes Kristinn Bjarnason sem kemur til félagisns frá Kolding í Danmörku. Þessu er haldið fram í Þungavigtinni.

Jóhannes hefur verið orðaður við Víking að undanförnu og tengdust þær sögur meðal annars mögulegri sölu á Valdimar Þór Ingimundarsyni. Sá verður þó áfram verið hjá félaginu eftir að hafa hafnað tilboði frá sænska liðinu Kalmar fyrr í mánuðinum.

„30 þúsund evrur, 10 milljónum minna en Ívar Örn Árnason til Breiðabliks,“ sagði Kristján Óli Sigurðsson í Þungavigtinni í dag.

Breiðablik keypti Ívar á 14 milljónir króna frá KA á dögnum.

„Hann er 21 árs á þessu ári, ég held að Kári Árnason horfi á hann sem svindlkarl í þessari deild. Hann afþakkaði alvöru laun hjá FH.“

Ef rétt reynist að Jóhannes hafi hafnað FH var hann þar að afþakka það að vinna með frænda sínum og nafna, Jóhannesi Karli Guðjónssyni sem tók við FH í vetur.

Hinn 21 árs gamli Jóhannes er uppalinn hjá KR en fór ungur til Norrköping í Svíþjóð áður en hann sneri aftur í Vesturbæinn. Hann átti gott tímabil með KR áður en hann var seldur til Kolding síðasta sumar.

Hjá danska liðinu fékk hann takmarkað tækifæri og virðist því nú á leið heim í íslenska boltann. Jóhannes er leikmaður U21 landsliðsins og getur leyst bæði bakvarðar- og miðjumannsstöður.