Á laugardag mun íslenska knattspyrnugoðsögnin Margrét Lára Viðarsdóttir taka þátt í Járnkarli, ásamt eiginmanni sínum, Einari Erni Guðmundssyni.
Í færslu á Facebook-síðu sinni segir Margrét Lára að hjónin taki þátt til styrktar fjölskyldu Bryndísar Ýrar Jóhönnudóttur. Hún fæddist þann 27. júní eftir 26 vikna meðgöngu en lést þann 12. ágúst eftir hetjulega baráttu við erfið veikindi.
„Við erum svo þakklát fyrir okkar þrjá stórkostlegu drengi, því það er svo sannarlega ekki sjálfsagt. Lífið getur verið ósanngjarnt og kvalafullt því þann 27. júli síðastliðinn fæddist Bryndís Ýr Jóhönnudóttir eftir 26 vikna meðgöngu algjörlega fullkomin og heilbrigð. Hún sýndi strax sterkan karakter, kraft og dugnað og heillaði alla sem kynntust henni. Þann 12. ágúst lést hún eftir hetjulega baráttu við stutt en erfið veikindi,“ skrifar Margrét Lára á Facebook.
Járnkarl felur í sér að synda 3,8 kílómetra, hjóla 180 kílómetra og loks synda 3,8 kílómetra.
„Við værum afar þakklát fyrir að þið elsku vinir okkar myndu heita á okkur fyrir laugardaginn og í leiðinni að styrkja mjög gott málefni. Vinkonu okkar hana Bryndísi Ýr og móður hennar sem eiga svo sannarlega um sárt að binda. Margt smátt gerir eitt stórt, hugur okkar er hjá ykkur.“
Fyrir þá sem vilja leggja málefninu lið: Banki 0345-hb-03-reikn.nr 400475 kt: 140880-3539
