Clement Lenglet, varnarmaður Tottenham, hefur útskýrt af hverju hann hafnaði félaginu í fyrra áður en hann kom til liðsins í sumar.
Tottenham sýndi leikmanninum áhuga fyrir síðasta tímabil en hann hafði þá engan áhuga á að yfirgefa Barcelona.
Frakkinn fékk svo minna að spila fyrir Börsunga í vetur og taldi það rétt að samþykkja boð Tottenham að þessu sinni.
,,Síðasta ár var ekki rétti tímapunkturinn til að koma,“ sagði Lenglet í samtali við enska miðla.
,,Ég spilaði mikið með Barcelona á tímabilinu fyrir það og orkan var öll að því verkefni. Ég spilaði minna í fyrra svo tækifærið var þarna fyrir mig í sumar.“
,,Ég ræddi við yfirmann knattspyrnumála Tottenham og stjórann og ákvað að taka þessa ákvörðun sem var mjög augljós að mínu mati.“