Chelsea hefur gríðarlegan áhuga á Marc Cucurella hjá Brighton. Lundúnafélagið hefur nú boðið yfir 50 milljónir punda í leikmanninn. Brighton vill þó hærri upphæð.
Þessi vinstri bakvörður hefur verið orðaður við Manchester City í allt sumar og var talið líklegast að hann færi þangað.
Í gær var hins vegar greint frá því að Cucurella hafi samið við Chelsea um persónuleg kjör. Aðeins er beðið eftir því að Lundúnafélagið nái saman við Brighton um kaupverð á leikmanninum.
Brighton vill hærri upphæð fyrir bakvörðinn og er einnig í leit að arftaka hans.
Cucurella kom til Brighton frá Getafe síðasta sumar og fór á kostum á sinni fyrstu leiktíð í ensku úrvalsdeildinni.
🚨 Chelsea have offered Brighton £50m+ for Marc Cucurella. Not yet done as #BHAFC seek higher fee & replacement: Colwill top target. Cucurella personal terms agreed. #CFC also in talks with Barcelona for Frenkie de Jong + hope to strike deal @TheAthleticUK https://t.co/XTI76wRynC
— David Ornstein (@David_Ornstein) August 3, 2022
