Nick Kyrgios tapaði úrslitaleik Wimbledon-mótsins í Tennis í gær. Um er að ræða eitt af stærstu mótum ársins.

Reynsluboltinn Novak Djokovic stóð uppi sem sigurvegari í Lundúnum í gær.

Það vakti athygli í gær að Kyrgios mætti á völlin í treyju enska úrvalsdeildarfélagsins Tottenham.

Margir knattspyrnuáhugamenn hafa gert grín að Kyrgios fyrir þetta athæfi, þar sem hann líka tapaði einvíginu.

Tottenham er, eins og margir vita, ekki þekkt fyrir að vinna marga titla. Sá síðasti kom árið 2008, þegar liðið vann enska deildarbikarinn.

Stuðningsmenn félagsins eru hins vegar bjartsýnir um þessar mundir. Antonio Conte, stjóri liðsins, er að gera flotta hluti og kom liðinu til að mynda í Meistaradeild Evrópu á síðustu leiktíð eftir baráttu við erkifjendurna í Arsenal um fjórða sætið í ensku úrvalsdeildinni.