Knattspyrnudeild Stjörnunnar hefur komist að samkomulagi við Fram um sölu á Brynjari Gauta Guðjónssyni.
„Brynjar þarf ekki að kynna fyrir Stjörnufólki, enda hefur hann verið frábær allt frá því að hann kom til félagsins árið 2015. Brynjar er fæddur árið 1992 og hefur reynst okkar félagi einstaklega vel og verið mikill leiðtogi bæði innan og utan vallar,“ segir á vef Stjörnunar.
Brynjar lék 179 leiki fyrir Stjörnunnar frá 2015-2022 og skoraði í þeim 5 mörk ásamt því að eiga stóran þátt í Bikarmeistaratitli félagsins árið 2018.
„Brynjar hefur verið frábær leikmaður þau ár sem hann hefur verið með okkur og skapað margar eftirminnilegar minningar og ég vil nota tækifærið og þakka honum fyrir hans framlag til félagsins í gegnum árin og um leið óska honum góðs gengis í “hinum” bláa búningnum.“ Segir Helgi Hrannarr formaður mfl ráðs karla.