Arnar Daði Arnarsson og Styrmir Sigurðsson, sem stýra hlaðvarpinu og vefsíðunni Handkastið, voru gestir Helga Fannars í Íþróttavikunni á 433.is og hituðu upp fyrir EM í handbolta í þessum mánuði.
Strákarnir okkar eru í riðli með Ítalíu, Póllandi og Ungverjum í riðlinum. Arnar og Styrmir segja að leikinn við Ítali beri að varast.
„Ítalíuleikurinn gæti orðið helvítis bananahýði,“ sagði Styrmir áður en Arnar tók til máls.
„Þeir eru með menn í Fuchse Berlin, Stuttgart, Leipzig. Ítalirnir hafa fengið leikmenn sína til að fara í þýsku úrvalsdeildina, eða í B-deildina og vinna sig upp. Ítalía á góðum degi vinna Pólland og geta strítt Ungverjum.
Við erum að fara í Evrópumót, þetta er miklu sterkara mót en HM, það eru mjög fáar þjóðir sem geta ekki neitt.“
Þátturinn í heild er í spilaranum.
