Michael Carrick virðist vera að taka við sem knattspyrnustjóri Manchester United, hann var lengi var einn vanmetnasti og áreiðanlegasti varnarsinnaði miðjumaður heims.

Atvik frá árinu 2009 setti hins vegar stórt strik í feril hans. Hann reis til að skalla boltann í úrslitaleik Meistaradeildarinnar 2009 á Stadio Olimpico í Róm. Skallinn var hvorki kærulaus né hættulegur, en gegn Barcelona á hátindi ferils síns var ekkert fyrirgefið. Innan örfárra sekúndna hafði Andrés Iniesta farið með boltann upp völlinn og sent á Samuel Eto’o sem skoraði framhjá Edwin van der Sar. Lionel Messi bætti öðru marki við og Manchester United missti Evrópumeistaratitil sinn.

Þrátt fyrir að Carrick hafi unnið Meistaradeildina 2008 og alls 18 stóra titla í 464 leikjum fyrir United, sat þetta tap í honum. „Þetta var langstærsta lægð ferils míns,“ sagði hann í viðtali við The Times árið 2018.

Hann upplifði mikið þunglyndi í kjölfarið sem hann faldi fyrir flestum, jafnvel fjölskyldu og liðsfélögum.

Ástandið náði hámarki á HM 2010 með Englandi, þar sem hann viðurkenndi síðar að hann hefði alls ekki viljað vera þar. Ekki fyrr en í Meistaradeildarsigri United gegn Chelsea vorið 2011 fór hann að finna sjálfan sig aftur.

Nú, 44 ára gamall, er Carrick á leið í bráðabirgðastarf sem knattspyrnustjóri Manchester United út tímabilið, eftir að hafa heillað stjórnendur á borð við Omar Berrada og Jason Wilcox. Verkefnið er erfitt, en Carrick þekkir félagið betur en flestir, bæði sem leikmaður og fyrrverandi bráðabirgðastjóri.

Carrick er einnig vanur gagnrýni, meðal annars frá Roy Keane, sem gagnrýndi hann harkalega árið 2014. Þá steig eiginkona hans, Lisa, fram honum til varnar á samfélagsmiðlum. Parið, sem gifti sig 2007, á tvö börn og styður Lisa mann sinn af mikilli festu.

„Roy Keane er fáviti sem segir hvað sem er til að vekja viðbrögð,“ sagði Lisa í færslu á X-inu þá en eyddi henni þegar fjölmiðlar fóru að fjalla um hana.

Reynsla, hreinskilni og seigla Carricks gætu nú reynst Manchester United dýrmætari en nokkru sinni fyrr.