Mikel Arteta, stjóri Arsenal, hrósaði Arne Slot, stjóra Liverpool, í hástert fyrir viðbrögð sín við hegðun Gabriel Martinelli í leik liðanna á dögunum.
Það sauð allt upp úr í restina þegar Arsenal var að leita að sigurmarki. Conor Bradley hafði meiðst en Martinelli brást við með að reyna að ýta honum af vellinum.
Þetta fór afar illa í marga, enda kom í ljós að Bradley var illa meiddur og verður frá út leiktíðina. Þetta vissi Martinell og baðst afsökunar eftir leik.
Slot kom Martinelli þá til varnar og sagði viðbrögð hans sennilega vera orsök þess hversu mikið leikmenn tefja í nútíma fótbolta með því að þykjast vera meiddir. Arteta er þakklátur Hollendingnum fyrir að hafa svo gott sem slökkt í þessu máli með þeim hætti.
„Arne Slot gerði frábærlega með því hvernig hann talaði eftir leik, með því að tala á þennan hátt um andstæðing þann og skýra út hans hlið, að Gabi hafi ekki ætlað að meiða neinn,“ sagði Arteta eftir sigur á Portsmouth í enska bikarnum í gær.
Martinelli skoraði þrennu í leiknum. „Martinelli talaði inni á vellinum, eins og á að gera.“
