Í færslu á Facebook-síðu sinni segir Kristján svo frá:
„Pirringur í skammdeginu! Hvert erum við komin eða í hvaða átt erum að fara? Ég var með opið í verslun minni í dag. Það kom eldra par inn í verslunina. Þau voru búin að vera í smátíma í versluninni og fá frábæra þjónustu frá einum starfsmanni mínum. Konan lítur þá til mín og segir: Hvaða pólitísku skilaboð er forstjórinn (ég) að bera út !! Rífur í öxlina á manni sínum og segist ekki versla hér og labbar út!! Ég átti reyndar ekki til orð til þess að svara þessum leikþætti.”
Svo virðist vera sem derhúfa sem Kristján var með á höfðinu hafi farið fyrir brjóstið á konunni, en á henni stendur: Make Ísland Great Again sem er vísun í frægt slagorð Donalds Trumps Bandaríkjaforseta, Make America Great Again.
Í færslu sinni segist Kristján sjálfur ekki gera upp á milli fólks og viðskiptavinir hans séu í ýmsum stjórnmálaflokkum og með allskonar skoðanir.
„Mér er slétt sama í hvaða stjórnmálaflokki fólki er og hvort það hafi yfir höfuð einhverjar stjórnmálaskoðanir. Derran sem ég var með í dag segir ekkert um neina flokka, nema þær vísa til kannski til Donalds Trumps, eða eru gerðar í sama anda og hann gerði, sem mér finnst flottar derrur.”
Sjálfur Kristján bara hlæja að þessu og hann biður fólk að anda með nefinu.
„Sem betur fer erum við ekki öll eins, en þá væri lífið hundleiðinlegt og litlaust. Ég ætla mér að vera með þessa derru út janúarmánuð og ögra sennilega mörgum. Ég segi nú bara gleðilegt ár, ……….skammdegið fer greinilega misvel í fólk.”
