Varnarmaðurinn Lisandro Martinez er nú sterklega orðaður við Arsenal og Manchester United þessa daganna.
Martinez er á mála hjá Ajax. Þessi 24 ára gamli leikmaður getur spilað bæði sem miðvörður og vinstri bakvörður, auk þess að hafa einnig reynslu af því að spila á miðjunni.
Argentínumaðurinn virðist þó ekki vera að stressa sig mikið á oðrómunum. Hann er staddur í fríi á Ibiza ásamt kærustu sinni, Muri Lopez.
Samningur Martinez við Ajax rennur ekki út fyrr en 2025 svo Arsenal eða Man Utd þurfa að rífa upp veskið, ætli þau sér að krækja í leikmanninn.
