Qatar Airways er nýr aðalstyrktaraðili franska stórveldisins Paris Saint-Germain.

Flugfélagið mun auglýsa framan á treyjum karla- og kvennaliðsins og borga himinnháar upphæðir fyrir það.

Samningurinn á milli Qatar Airways og PSG er metinn á 60-70 milljónir evra á tímabili.

Samningurinn þarf lítið að koma á óvart en PSG á katarska eigendur.

Peningum hefur verið dælt í félagið undanfarin ár. Hver stjarnan á fætur annari hefur verið sótt og í vor var Kylian Mbappe, sóknarmaður liðsins, gerður að launahæsta leikmanni heims með svakalegum samningi.

Karlalið PSG vann öruggan sigur í Ligue 1 á síðustu leiktíð en kvennaliðið hafnað í öðru sæti á eftir Söru Björk Gunnarsdóttur og stöllum í Lyon.