Eign dagsins að þessu sinni er hús sem kalla má hina klassísku „miðborgarfantasíu“, svona ef við leyfum okkur að búa til ný orð. Um er að ræða einbýli á Grettisgötu sem var byggt fyrir 120 árum síðan, eða árið 1902, og er húsið friðað samkvæmt lögum um menningarminjar.

Um er að ræða klassískt íslenskt miðborgarhús með þennan einstaka sjarma sem einkennir slík húsnæði, og hefur húsið verið þó nokkuð endurnýjað. Það var endurnýjað að innan á árinum 2018-2019 og eins hafa raflagnir verið endurnýjaðar sem og ofnalagnir, neysluvatnlagnir og fleira.

Húsið samanstendur af stofu, eldhúsi, þvottahúsi, geymslu, þremur svefnherbergjum, tveimur baðherbergjum og verönd. Miðhæð er skráð 40,3 fermetrar, kjallari 40,3 fermetrar og risið svo 34,6 fermetrar.

Að innan er ekki að sjá að húsið sé sé byggt fyrir fyrri heimsstyrjöld heldur ræður þar nútíminn ríkjum og því skemmtileg samsetning af gömlu og nýju.

Nánar má lesa um eignina á Fasteignavef DV