Sarabh Sethi, bandarískur læknir, sagði í myndbandi á TikTok að ákveðnir drykkir geti haft áhrif á líkurnar á að fá elliglöp þrátt fyrir að rannsóknir hafi ekki skilað afgerandi niðurstöðum varðandi þetta. Sanook skýrir rá þessu.
Sykur og efnaskipti – Sethi benti að sögn Sanook á íþróttadrykki sem dæmi um mjög sykraða drykki. Þeir innihalda einnig oft næstum engar trefjar og þessi blanda getur valdið því að blóðsykurmagnið aukist mjög hratt. Með tímanum getur þetta valdið insúlínónæmi.
Margar rannsóknir hafa sýnt fram á tengsl elliglapa og neyslu sykraðra drykkja en rétt er að hafa í huga að hér er um að ræða tengsl en ekki beina orsök.
Alóhól og svefn – Alkóhól er nefnt til sögunnar vegna áhrifa þess á svefn. Góður svefn er mikilvægur fyrir heilann því hann hjálpar til við að hreinsa úrgangsefni úr honum.
National Institute of Health segir að svefnskortur á miðri lífsleiðinni geti aukið líkurnar á að fá elliglöp. Alkóhólneysla getur það leikið óbeint hlutverk því hún dregur úr svefngæðunum.
Sykurlausir gosdrykkir – Sykurlausir gosdrykkir eru oft taldir vera skárri kostur en sykraðir en Sethi sagði að gervisætuefni geti haft áhrif á bakteríuflóru þarmanna og þannig dregið úr starfsgetu heilans.
Í rannsókn, sem var birt í vísindaritinu American Academy of Neurology, kemur fram að fólk sem neytti mikils af gervisætuefnum hafi tapað minni og hugsanagetu hraðar en þeir sem neyttu minna af gervisætuefnum.
