KA tók á móti Reyni Sandgerði í 32-liða úrslitum Mjólkurbikars karla í dag.
Jakob Snær Árnason kom heimamönnum í forystu eftir korters leik en Elton Renato Livramento Barros jafnaði fyrir Reyni níu mínútum síðar. Staðan var jöfn 1-1 þegar liðin gengu til búningsherbergja.
Steinþór Freyr Þorsteinsson kom KA aftur yfir á 56. mínútu og Þorri Mar Þórisson kom sínum mönnum í 3-1 fjórum mínútum síðar.
Varamaðurinn Hallgrímur Mar Steingrímsson setti svo punktinn yfir i-ið með marki á 88. mínútu og lokatölur 4-1 sigur KA. Liðið fer því áfram í 16-liða úrslit bikarsins.
