Það var hart tekist á í beinni útsendingu á Sky Sports í gær. Chelsea og Manchester United gerðu jafntefli í stórleik helgarinnar í ensku úrvalsdeildinni. Leikurinn fór fram á Brúnni. Chelsea stýrði leiknum í fyrri hálfleik en hefði þó viljað ógna meira á síðasta þriðjungi vallarins.
Callum Hudson-Odoi fékk bæsta færi fyrri hálfleiks strax á 4. mínútu þegar hann slapp í gegn. David De Gea sá hins vegar við honum. Staðan í hálfleik var markalaus.
-43 – During the month of November so far, Manchester United (17) have attempted the fewest shots in the Premier League, whilst also facing more opposition attempts than any team (60). Crossroads. pic.twitter.com/NtlwzmyPCS
— OptaJoe (@OptaJoe) November 28, 2021
Man Utd komst yfir á 50. mínútu gegn gangi leiksins. Jorginho gerði þá slæm mistök fyrir miðju vallarins, missti boltann til Jadon Sancho sem þeyttist upp völlinn og skoraði. Þetta var hans fyrsta mark í ensku úrvalsdeildinni og annað mark fyrir Man Utd. Hann skoraði í Meistaradeildinni í síðustu viku. Um miðbik seinni hálfleiks fékk Chelsea vítaspyrnu. Thiago Silva var þá klókur og kom sér fyrir Aaron Wan Bissaka sem ætlaði að sparka í boltann. Í stað þess sparkaði hann Silva niður í teignum. Jorginho fór á punktinn og skoraði af öryggi.
Lokatölur 1-1. Það er óhætt að ætla að Man Utd sé sáttara með úrslitin en heimamenn. Chelsea er á toppi deildarinnar með 30 stig, stigi á undan Manchester City. Man Utd er í áttunda sæti með 18 stig.
Gengi United hefur verið hörmulegt undanfarið í deildinni, í nóvember átti liðið 17 tilraunir á mark andstæðinga sinna sem er það lélegasta í deildinni. Liðið fékk á sig 60 skot að marki sem er það mesta í deildinni.
