Mavys Álvarez kona frá Kúbu segir að Diego Armando Maradona hafi nauðgað sér þegar hún var sextán ára gömul. Álvarez hefur gefið frá sér skýrslu vegna málsins.

Álvarez fór í dómsmálaráðuneytið hjá Argentínu fyrir viku síðan og hélt svo fréttamannafund í höfuðborg Argentínu.

„Hann hélt um munninn á mér og nauðgaði mér. Ég vil ekki hugsa of mikið um þetta atvik,“ sagði Álvarez.

Álvarez kveðst hafa kynnst Maradona þegar hann var í meðferð á Kúbu árið 2001. Móðir Álvarez var í meðferð á sama tíma og Maradona. Hún segir Maradona hafa nauðgað sér á meðferðarstofunni sem Maradona sótti.

„Þenann dag hætti ég að vera stelpa, allt mitt sakleysi hvarf,“

Skömmu síðar hófst ástarsamband þeirra á milli en fjölskylda Álvarez samþykkti sambandið þrátt fyrir mikinn aldursmun.

Maradona lést á síðasta ári en hann er að margra mati besti knattspyrnumaður sögunnar.