Arnar Þór Viðarsson mun á fimmtudag velja landsliðshóp sinn fyrir komandi leiki í undankeppni HM. Liðið á tvo síðustu heimaleiki sína í riðlinum í næsta mánuði.
Mikið hefur gengið á hjá KSÍ undanfarin farin mánuð en eins og öllum er kunnugt sagði stjórnin og formaður af sér. Var það eftir að stjórnin var sökuð um hylma yfir meint kynferðisbrot leikmanna.
Arnari var bannað að velja Kolbein Sigþórsson í síðasta verkefni af stjórn sambandsins, sem svo sagði af sér. Ljóst er að Kolbeinn verður ekki í þessu verkefni eftir að hafa gengist undir aðgerð.
Stjórnin sem tók fram fyrir hendur Arnars í síðata verkefni lætur af störfum um næstu helgi og bráðabirgðar stjórn tekur við. Arnar hefur kallað eftir því regluverk sé í kringum val á hópi, svo ekki komi til þess að leikmenn séu teknir úr hóp þegar verkefni er að hefjast.
Liðið mætir Armeníu og Liechtenstein þann 8 og 11 október en margir bíða spenntir eftir því að sjá leikmannahóp liðsins.
