Ríkisútvarpið í Bretlandi fjallar ítarlega um stöðu mála á Íslandi á forsíðu sinni í dag. „Forsætisráðherra Íslands miður sín yfir kynferðisafbrotahneykslinu í íslenska fótboltanum,“ segir á forsíðu BBC í dag.

Um er að ræða málefni Knattspyrnusambands Íslands sem fjallað hefur verið ítarlega um síðustu daga. Sambandið er sakað um að hylma yfir meint brot leikmanna karlalandsliðsins og taka þátt í að þagga niður mál þar sem játning lá fyrir.

„Það er dap­ur­legt að fylgj­ast með þess­ar­i at­burð­a­rás en um leið segi ég það að mér finnst virð­ing­ar­vert að stjórn­in hef­ur núna stig­ið til hlið­ar. Það gef­ur öðr­um svig­rúm til að taka á þess­um mál­um af fest­u, sem eru mein­semd, og hafa ekki bara ver­ið að koma upp í knatt­spyrn­u­hreyf­ing­unn­i held­ur mikl­u víð­ar í sam­fé­lag­in­u. Við þurf­um að þora að tak­ast á við kyn­ferð­is­legt og kyn­bund­ið of­beld­i,“ sagði Katr­ín við Fréttablaðið í gær.

„Ég lýsi líka að­dá­un minn­i á þess­a þol­end­ur sem hafa stig­ið fram og sagt sína sögu því þett­a snýst um að við erum að reyn­a að breyt­a menn­ing­u og við­horf­um. Þett­a snýst ekki um ein­stak­ling­a. Þett­a snýst um menn­ing­u og við­horf í sam­fé­lag­in­u. Í knatt­spyrn­u­hreyf­ing­unn­i er þett­a sér­stak­leg­a mik­il­vægt því hún snert­ir næst­um því hverj­a fjöl­skyld­u á Ís­land­i og það skipt­ir máli að við séum að breyt­a við­horf­i þar,“ sagði Katr­ín einnig.

Fleiri erlendir miðlar hafa fjallað um málið en íslenska landsliðið mætir Rúmeníu í undankeppni HM á morgun hafa þarlendir fjölmiðlar mikinn áhuga á málinu.