Mánuðum saman tapaði hún 97% af birtustigi sínu en það náði síðan fyrra stigi hægt og rólega. Stjörnufræðingar telja að óþekktur fylgihlutur stjörnunnar skyggi á hana með nokkurra áratuga millibili. Það gæti verið önnur stjarna eða stór pláneta sem er umkringd gríðarlega stóru rykskýi sem kemur í veg fyrir að ljósið frá stjörnunni berist til okkar. The Guardian skýrir frá þessu.
Stjörnufræðingar söfnuðu gögnum og greindu þau í mörg ár í tengslum við rannsókn þeirra á stjörnunni sem hefur fengið heitið VVV-WIT-08. WIT stendur fyrir „What Is This?“ (Hvað er þetta?) en þessi flokkun er notuð yfir ákveðnar stjörnum sem passa ekki inn í þá flokka sem fyrir eru.
Þar sem stjarnan er svo nálægt miðju vetrarbrautarinnar, þar sem þéttleikinn er miklu meiri, hugleiddu stjörnufræðingar hvort „dimmur hlutur“ sem hefði bara átt leið fram hjá fyrir tilviljun hefði valdið myrkvuninni. Tölvulíkön sýndu þó að það gat ekki verið því til þess að það geti gerst þarf fáránlega margar svoleiðis „dimma hluti“ í vetrarbrautinni okkar.
Að lokum komust stjörnufræðingarnir að þeirri niðurstöðu að líklegast væri það önnur stjarna eða pláneta, sem er umvafin skífulaga og ógegnsæju rykskýi, sem er á braut um VVV-WIT-08 og skyggi á hana á nokkurra áratuga fresti. Þeir telja að rykskýið hljóti að vera gríðarlega stórt eða minnst 66 milljónir kílómetra að þvermáli.
Niðurstöður rannsóknarinnar hafa verið birtar í vísindaritinu Monthly Notices of the Royal Astronomical Society.
