Á þriðja tímanum í nótt var lögreglunni tilkynnt um þjófnað á skiptimynt úr íbúð í miðborginni. Brotaþoli hafði boðið fólki með heim en því hafði hann kynnst skömmu áður. Það þakkaði gestrisnina með því að stela skiptimynt og hlaupa á brott.

Á áttunda tímanum í gærkvöldi voru tveir handteknir í Árbæ eftir að þeir höfðu haft í hótunum við leigubílstjóra og neitað að greiða áfallið aksturgjald. Þeir voru vistaðir í fangageymslu.

Í Hlíðahvarfi hafði lögreglan afskipti af manni á tólfta tímanum í gærkvöldi en hann er grunaður um að hafa brotið rúðu.

Í Hafnarfirði var tilkynnt um líkamsárás á sjöunda tímanum í gærkvöldi. Lögreglan ræddi við málsaðila. Á fimmta tímanum í nótt var par staðið að þjófnaði úr verslun í Hafnarfirði. Málið var afgreitt á vettvangi.

Á sjöunda tímanum í gær var tilkynnt um slagsmál við verslunarkjarna í austurborginni. Einn leitaði sér aðstoðar á bráðamóttöku. Lögreglan náði tali af meintum geranda.