Liverpool tók á móti Chelsea í ensku úrvalsdeildinni í gær. Leikurinn endaði með 1-0 sigri Chelsea en leikið var á Anfield. Eina mark leiksins kom á 42. mínútu, það skoraði Mason Mount eftir stoðsendingu frá N’Golo Kanté. 1-0 sigur Chelsea staðreynd og um leið mikilvæg þrjú stig í pokann. Chelsea situr í 6. sæti deildarinnar með 44 stig.

Englandsmeistarar Liverpool sitja í 7. sæti með 43 stig og ljóst að félagið er í miklum vandræðum. Það vakti mikla athygli í leiknum í gær þegar Jurgen Klopp ákvað eftir klukkutíma leik að taka Mo Salah af velli.

Liverpool vantaði mark og enginn líklegri í liði Liverpool til þess að skora en Salah. Matt Critchley fjölmiðlamaður á Bretlandi var á vellinum og útskýrir hvers vegna Klopp ákvað að taka Salah af velli.

„Salah var mjög ósáttur þegar hann var tekinn af velli, hann hristi höfuðið þegar hann gekk á bekkinn. Fimm mínútum áður hafði Klopp öskrað á Salah að hlaupa til baka og hjálpa í varnarleiknum. Salah skokkaði bara og hlustaði ekki. Klopp snéri sér að aðstoðarmanni sínum og þeir ræddu að taka hann af velli,“ sagði Critchley.

Salah hefur verið orðaður við önnur lið og hefur hann talað fallega um Real Madrid. Umboðsmaðurinn hans blandaði sér í málið í gær þegar Salah var tekinn af velli, færslan hefur vakið athhygli og reiði á meðal stuðningsmanna Liverpool. Ramy Abbas Issa umboðsmaður Salah setti þá inn einn punkt nánast á sömu sekúndu og Salah gekk af velli.

.

— Ramy Abbas Issa (@RamyCol) March 4, 2021