Nýlega var 27 ára Indverji úrskurðaður látinn eftir að hann lenti í umferðarslysi. Hann var fluttur á sjúkrahús og settur í öndunarvél. Læknar tóku hann síðan úr öndunarvélinni og sögðu að hann ætti ekki langt eftir. Hann var þá fluttur á annað sjúkrahús þar sem læknar úrskurðuðu hann látinn.

Líkið var þá flutt til krufningar. Þegar réttarmeinafræðingar voru rétt í þann mund að hefja krufningunum veitti yfirlæknir því athygli að maðurinn, sem átti að vera látinn, hreyfði sig aðeins. Hann var því rannsakaður á nýjan leik og úrskurðaður á lífi. Hann var fluttur á annað sjúkrahús þar sem hann dvelur enn. Times of India skýrir frá þessu.