Það er óheillavænleg þróun hvað varðar stærð hinna ýmsu skordýrategunda. Til dæmis fer fiðrildum og býflugum mjög fækkandi. 56 vísindamenn, víða að úr heiminum, segja að í heildina séð séu skordýr í mikilli hættu. David Wagner, sem stýrði rannsókn þeirra, segir að árlega minnki skordýrastofnar um 1 til 2%.

CBS News skýrir frá þessu. Það er erfitt að fá yfirsýn yfir þetta en vísindamenn reyna hvað þeir geta og að fá svör við hvort útdauði skordýra sé algengari en útdauði annarra dýra. „Það er tilefni til að hafa sérstakar áhyggjur vegna notkunar skordýraeiturs, illgresiseiturs og ljósmengunar,“ er haft eftir Wagner.

Það spilar einnig inn í þetta að margt fólk á erfitt með að þola skordýr og það gerir baráttuna fyrir verndun þeirra enn erfiðari. Skordýr eru mjög mikilvæg fyrir fæðukeðjuna því þau frjóvga gróður og þau eru einnig nytsöm þegar kemur að eyðingu úrgangs frá dýrum. „Skordýr eru einfaldlega það efni sem náttúran og lífið sjálft eru byggð á,“ sagði Wagner.