Ung kona deilir fáránlegri beiðni sem hún fékk frá karlmanni fyrir fyrsta stefnumótið. Mira Browne, frá Kanada, deilir skjáskoti af samskiptum hennar og mannsins í myndbandi á TikTok.

Mira og maðurinn voru búin að ákveða að hittast, deginum áður sendi Mira honum skilaboð og spurði hvort þau væru enn að fara að hittast  en svar hans kom henni algjörlega í opna skjöldu.

Maðurinn útskýrði fyrst að hann kæmist ekki um kvöldið, en áður en þau myndu finna aðra dagsetningu til að hittast þá vildi hann að hún myndi senda honum nektarmyndir af sér.

„Ég vil ekki hljóma eins og fáviti, en ég hitti venjulega ekki stelpur án þess að sjá nektarmynd af þeim fyrst,“ sagði hann.

„Ég geri þetta til að sjá hvað ég er að koma mér út í.“

Konan varð ekki að ósk mannsins og vakti athygli á þessari furðulegu beiðni á TikTok.

@mirabrowne1♬ original sound – Rachel Wilson🤍

Viðbrögð netverja leyndu sér ekki sem furðuðu sig á ósvífni mannsins.

„Hefur þetta einhvern tíma virkað hjá honum?“ Spyr einn netverji.

Nokkrir netverjar sögðu henni að senda móður hans skilaboðin. Mira hefur ekki greint frá því hvort hún hafi fylgt ráðum þeirra. En eitt er víst, hún hætti við stefnumótið.