Samkvæmt textalýsingu CNN af innsetningu Joe Biden í embætti forseta Bandaríkjanna skildi Trump eftir skrifleg skilaboð á minnismiða handa eftirmanni sínum. Ekki er vitað um innihald skrifanna.
Trump er nú á leið til Florida með forsetavélinni ásamt eiginkonu sinni, Melania Trump. Er vélin hóf sig á loft glumdi lagið „My Way“ undir í hátalarakerfinu í alþekktum flutningi Frank Sinatra.
Samkvæmt CNN er venja að fráfarandi forseti yfirgefi Washington í einni af þotum 89. deildar flughersins en það er óvenjulegt að flugið beri heitið Air Force One eins og var raunin í dag.
Biden beið í Blair House, gestahúsi Hvíta hússins, eftir að Trump kláraði sína dagskrá. Biden er nú í messu í kaþólskri kirkju í Washington, sömu kirkju og útför John F, Kennedy varð fór fram í á sínumtíma. Biden hefur sagt að Kennedy, sem var fyrsti kaþólski forsetinn, sé ástæðan fyrir því að hann hafi sjálfur farið í pólitík.
Melania Trump skildi einnig eftir skrifleg skilaboð handa Joe Biden og bauð hann velkominn til starfa og búsetu í Hvíta húsinu.
Það eru fleiri sem skilja eftir skilaboð til forsetnas nýja. Barack Obama, fyrrverandi forseti demókrata, sendi honum kveðju á Twitter og sagði: „Þetta er þinn tími.“
Congratulations to my friend, President @JoeBiden! This is your time. pic.twitter.com/LXzxGnBAfz
— Barack Obama (@BarackObama) January 20, 2021