Fjölmiðlar í Bandaríkjunum hafa haldið því fram að Sarah Kohan eiginkona Javier Hernandez hafi haldið framhjá honum. Hernandez leikur í dag með LA Galaxy í MLS deildinni.
Framherjinn frá Mexíkó sem er þekktur undir nafninu „Litla baunin“ átti góðan feril í Evrópu með Manchester United, West Ham og fleiri liðum.
Kohan og Hernandez eiga börn saman en fjölmiðlar í Bandaríkjunum hafa mikið fjallað um meint framhjáhald Kohan. Hún hafnar þessu alfarið. „Allir þeir fjölmiðlar sem eru að búa til sögusagnir um mig, ég hef aldrei verið með annari manneskju eftir að ég hitti Javier,“ segir Kohan.
„Hættið því að halda því fram að ég hafi gert eitthvað, ég er ekki þannig persóna. Virðið einkalíf mitt og fjölskyldu minnar.“
Kohan og Hernandez hófu ástarsamband sitt árið 2018 þegar hann lék með West Ham, þau giftu sig svo ári síðar og eiga tvör börn saman.
Hernandez er markahæsti leikmaður í sögu Mexíkó en framherjinn knái hefur iðulega raðað inn mörkum þar sem hann spilar.
