Knattspyrnustjarnan Neymar, sem leikur með Paris Saint-Germain í Frakklandi, ætlar ekki að skrifa undir nýjan samning við frönsku risana nema Lionel Messi, fyrirliði Barcelona, gangi til liðs við félagið. Frá þessu greina miðlar á meginlandinu.
Undanfarna 18 mánuði hefur Neymar verið sagður vera á förum frá Frakklandi en þá skrapp Neymar frá til að æfa með gamla liðinu sínu, Barcelona. Neymar virðist sakna Messi mikið þar sem hann vill ekki spila áfram með PSG nema Messi komi til hans.
Á sama tíma er framtíð Messi í óvissu. Samningur hans við Barcelona rennur út næsta sumar og hann var næstum því farinn frá liðinu í sumar eftir rifrildi við fyrrum forseta félagsins, Josep Maria Bartomeu. Ef Messi gengur til liðs við PSG á næsta ári verða það svo sannarlega ein stærstu kaup síðari ára í knattspyrnuheiminum.
„Það sem ég vil mest af öllu er að fá að spila aftur með Messi, að njóta þess að vera með honum á vellinum á ný,“ sagði Neymar í viðtali eftir sigur PSG gegn Manchester United í vikunni.
