Tveir karlmenn á þrítugsaldri voru handteknir í Reykjavík í gærkvöldi og í nótt í tengslum við rannsókn lögreglu á íkveikju, líkamsárásir og hótanir. Samkvæmt heimildum DV er annar mannanna MMA bardagakappinn sem farið hefur mikinn undanfarna daga og vikur í myndböndum sem DV hefur birt.
Segir í tilkynningu lögreglu að mennirnir hafi verið handteknir á sitthvorum staðnum í nótt og að mikill viðbúnaður hafi verið vegna þessa. Þá segir að sérsveit ríkislögreglustjóra hafi komið að handtökunum.
Von er á frekari tilkynningum lögreglunnar í dag vegna málsins.
