Stjórn KSÍ samþykkti á fundi sínum í dag, föstudaginn 30. október, að hætta keppni í Íslandsmótum og bikarkeppni KSÍ 2020, í samræmi við 5. grein í reglugerð um viðmiðanir og sértækar ráðstafanir vegna heimsfaraldurs kórónaveiru (Covid-19), sem samþykkt var og gefin júlí síðastliðnum.
Valur er því Íslandsmeistari í karlaflokki en FH, Stjarnan og Breiðablik fá Evrópusæti en lokaniðurstaða er miðuð við meðaltal stiga. Fjórar umferðir voru eftir í deildinni en Valur átti mögulegika á stigameti efstu deildar.
Fyrir mót spáðum við í spilin fyrir deildina en við töldum að Valur yrði meistari, sú varð raunin. Breiðablik var spáð öðru sæti en liðið í endaði í því fjórða. Stjörnunni var spáð fimmta sæti en liðið endaði í því þriðja.
Gróttu og Fjölni var spáð falli og var það raunin, mestu vonbrigðin miðað við spá okkar var gengi Víkings. Liðinu var spáð sjötta sæti en liðið endaði í því tíunda.
Spá 433.is – Lokastaða deildarinnar
1. Valur – (1 sæti)
2. Breiðablik (4 sæti)
3. KR (5 sæti)
4. FH (2 sæti)
5. Stjarnan (3 sæti)
6. Víkingur Reykjavík (10 sæti)
7. KA (7 sæti)
8. Fylkir (6 sæti)
9. HK ( 9 sæti)
10. ÍA (8 sæti)
11. Grótta (11 sæti)
12. Fjölnir (12 sæti)
