Töluvert af öryggisgöllum hafði komið upp í Lamborghini Huracán bifreiðum á síðustu árum, það var slíkur bíll sem Diogo Jota ók þegar hann og bróðir hans létust.

Þeir bræður létust í bílslysi snemma í gærmorgun en knattspyrnuheimurinn hefur verið í áfalli eftir að framherji Liverpool og bróðir hans féllu frá.

Þeir voru á ferðalagi frá Portúgal yfir til Englands og ætluðu að taka ferju frá bænum Santander á Spáni yfir til Englands.

Talið er að dekk á bílnum hafi sprungið þegar þeir voru að taka fram úr öðrum bíl, ekki er talið að öryggisgallar hafi verið orsökin en slíkir hafa verið tíðir í þessum tegundum.

Huracán bílinn hefur ítrekað verið innkallaður vegna öryggismála í gegnum tíðina, þar á meðal vegna stillinga á aðalljósum sem gátu valdið glampa og dregið úr sýnileika, sem og bilunar í viðvörunarkerfi fyrir öryggisbelti.

Innköllun í september 2024 náði til 39 eintaka af Huracán EVO Spyder í Bandaríkjunum.

Lamborghini viðurkenndi að árekstrarvarnarfesting, nauðsynleg fyrir framhluta burðarvirkisins hafi mögulega verið sett upp á rangri hlið vegna mannlegra mistaka í verksmiðjunni.

Lamborghini er hætt að framleiða þessa tegund af bílum en fyrirtækið seldi yfir 25 þúsund eintök af honum á ellefu ára tímabili, bílinn kostaði um 50 milljónir króna.