Inverness Caledonian Thistle spilaði gegn Ayr United fyrir luktum dyrum í skosku úrvalsdeildinni í vikunni. Því var einungis hægt að horfa á leikinn á netinu en til þess þurftu aðdáendur að borga 10 pund, eða um 1800 íslenskar krónur.

Í stað þess að vera með margar myndavélar og fólk til að stýra þeim var ákveðið að notast við nýja tækni. Myndavél með gervigreind frá Pixellot var notuð en sú myndavél á að geta elt boltann án þess að hafa manneskju við stjórnborðið. Það fór þó heldur betur úrskeiðis í þessum leik.

Annar línuvörðurinn í leiknum var sköllóttur. Hárvöxtur línudómara er yfirleitt ekki fréttaefni en skalli línuvarðarins gerði það að verkum að útsendingin varð afar misheppnuð. Gervigreindin í myndavélinni hélt nefnilega að skalli línuvarðarins væri boltinn og því var línuvörðurinn aðalmyndefnið í leiknum.

Hér fyrir neðan má sjá myndband úr útsendingunni sem sýnir hvernig myndavélin elti skallann frekar en boltann:

Everything is terrible. Here's a football match last weekend that was ruined after the AI cameraman kept mistaking the linesman's bald head for a football.https://t.co/BsoQFqEHu0 pic.twitter.com/GC9z9L8wHf

— James Felton (@JimMFelton) October 29, 2020