News.com.au skýrir frá þessu. Smith bar við sjálfsvörn í málinu en dómarinn féllst ekki á þá málsvörn. Fyrir dómi kom fram að eftir nauðgunina hafi bróðir Brittany komið heim til hennar til að ræða alvarlega við Todd um nauðgunina og ofbeldið.
Það endaði með að þeir slógust og náði Todd að halda bróður Brittany föstum með hálstaki og hótaði að drepa bæði hann og Brittany. Þá dró Brittany upp skammbyssu og skaut Todd til bana.
Hún er fjögurra barna móðir og eins og fyrr sagði hélt hún því fram að um sjálfsvörn hafi verið að ræða en það féllst dómurinn ekki á og úrskurðaði kviðdómur hana seka. Hún var dæmd í 20 ára fangelsi að lágmarki. Hún þarf að sitja í fangelsi í 18 mánuði, þá taka við 18 mánuðir í stofufangelsi og að því loknu verður hún á skilorði. Frá afplánunin dregst sá tími sem hún hefur setið í gæsluvarðhaldi.
